Коронавирус бойынша шектеу шараларына байланысты 2020 жылдың бірінші жартысында әлемде тікелей шетелдік инвестициялар (ТШИ) көлемі 2019 жылдың осы кезеңімен салыстырғанда 49%-ға қысқарды.

БҰҰ Сауда және даму конференциясының (ЮНКТАД) баяндамасында көрсетілгендей олар 399 миллиард долларға жетті деп бағаланған.

Қысқарту тікелей шетелдік инвестициялардың барлық негізгі нысандарына ықпал етті. Осылайша, жаңа жарияланған инвестициялық жобалардың саны 37%-ға төмендеді, трансшекаралық бірігу және қосып алу саны 15%-ға төмендеді, ал инфрақұрылымға инвестициялардың маңызды көзі болып табылатын трансшекаралық жобаларды қаржыландыру бойынша жарияланған мәмілелер саны 25%-ға қысқарды.

ТШИ 2020 жылдың бірінші жартыжылдығында бағалау бойынша $98 млрд – қа жеткен дамыған елдерде ең үлкен құлдырау байқалды - бұл 2019 жылмен салыстырғанда 75%-ға төмен болды.

Дамушы елдерге ТШИ ағыны 16%-ға қысқарды, бұл бұрын күтілгеннен аз. Сонымен қатар, тікелей шетелдік инвестициялар негізінен Қытайға тұрақты инвестициялардың арқасында Африка елдеріне, Латын Америкасы мен Кариб бассейніне - 28%-ға, Азия елдеріне - 12%-ға төмен болды.