1993 жылғы 15 қарашада айналымға теңге ұлттық валютасы енгізілді.

Бұл күн тарихи күн болды, өйткені Қазақстан осы әрекетпен өзінің тәуелсіз мемлекет мәртебесін растады.

1993 жылғы 3 қарашада Мемлекет басшысының Жарлығымен қаржыгер Дәулет Сембаевтың басшылығымен жұмыс тобын құрған арнайы мемлекеттік комиссия құрылды. Мемлекеттік комиссияның жұмысына Қазақстанның Тұңғыш Президенті - Елбасы Нұрсұлтан Назарбаев қатысып, қойылған міндеттердің сапалы орындалуын үнемі қадағалап отырды. Ұлттық валютаға атау беру мәселесі бойынша үлкен пікірталас барысында академик С.Такежановтың ұлттық валютаны "теңге" деп атау туралы ұсынысы бірауыздан мақұлданды.

Теңге дизайнын жасауға атақты сәулетші, суретші Тимур Сүлейменов басшылық еткен үлкен авторлық ұжым тартылды.