Жыл басынан бері Бірыңғай жинақтаушы зейнетақы қоры (БЖЗҚ) салымшыларының шоттарына 1,1 трлн-нан астам таза инвестициялық табыс аударылды, бұл өткен 2019 жылдың ұқсас кезеңімен салыстырғанда екі есе көп.

Қорда зейнетақы жинақтарының негізгі сомасы міндетті зейнетақы жарналары (МЗЖ) есебінен қалыптасып, 12,3 трлн теңгені құрағаны (2020 жылдың басынан бері өсім 17% - ды құрады) айтылды. Міндетті кәсіптік зейнетақы жарналары (МКЗЖ) бойынша зейнетақы жинақтарының сомасы 305,7 млрд теңгені құрады (өсім 24% - ды құрады), ерікті зейнетақы жарналары (ЕЗЖ) бойынша зейнетақы жинақтарының сомасы 2,16 млрд теңгеге жетті (өсім 11%).

БЖЗҚ-дағы жеке зейнетақы шоттарының (ЖЗШ) саны 2020 жылғы 1 қарашадағы жағдай бойынша 2019 жылдың ұқсас кезеңімен салыстырғанда 1 млн-нан астам бірлікке ұлғайды. Өткен жылдың 1 қарашасына ЖЗШ саны 10,6 млн бірлікті құраса, бір жылдан кейін 11,7 млн-нан асты. Осылайша, бір жылдағы өсім 11% - ды құрады.