Ағымдағы жылы дағдарысқа қарсы шараларды іске асыруға Ұлттық қордан қомақты қаражат бөлінді. Он бір ай ішінде республикалық бюджетке кепілдендірілген трансферттер көлемі бір жыл ішінде 51,3% - ға ұлғайып, 4,6 трлн теңгені құрады. Осының арқасында "Жұмыспен қамтудың жол картасы" іске асырылды, коронавируспен күрес, әлеуметтік төлемдерді индекстеу, ШОБ-қа салық жүктемесінің төмендеуіне байланысты өңірлерге өтемақы төлеу және т. б. бойынша іс-шаралар жүзеге асырылды.