Қарағанды облысында автобустар шығарылымы басталды.

Саран қаласының индустриялық аймағының аумағында орналасқан жаңа кәсіпорын қоғамдық көліктің ірі әлемдік өндірушісімен бірлесіп құрылды. Жобаның құны 23 миллиард теңге.

Жыл сайын зауытта 1200 автобус пен электробус, сондай-ақ 500 бірлік түрлі арнайы техника жинау жоспарланып отыр. Өндіріс бірнеше циклдардан тұрады-дәнекерлеу, бояу, кейбір құрамдауыштарды шығару, зерттеу орталығы, сонымен қатар сынақ және жөндеу желісі. Конвейерден шыққан кезде автобустар электронды билеттеу және бақылау жүйесімен жабдықталады.