«Nur Otan»-ның сайлауалды бағдарламасын іске асыру жөніндегі жол картасы аясында биыл елімізде 17 млн шаршы метр тұрғын үй салу жоспарланып отыр.

Биыл 2,5 млн шаршы метр әлеуметтік баспана салынады, деп хабарлайды «Nur Otan» партияның баспасөз қызметі.

2021 жылдың төрт айында 3,5 млн шаршы метр тұрғын үй немесе 30 мыңға жуық пәтер пайдалануға берілді. 

Бүгінде тұрғын үй кезегінде 562 мың отбасы тұр. Оның 185 мыңның табысы отбасының бір мүшесіне шаққанда ең төменгі күнкөріс деңгейінен төмен.

«Баспанаға мұқтаж адамдарды тұрғын үймен жедел қамтамасыз ету үшін жеке тұрғын үй қорындағы жалдау ақысының бір бөлігін Нұр-Сұлтан және Алматы қалалары үшін 31 АЕК, өзге өңірлер үшін 21 АЕК және ауылдық жерлер үшін 15 АЕК мөлшерінде субсидиялау ұсынылады», – деді индустрия және инфрақұрылымдық даму бірінші вице-министрі Қайырбек Өскенбаев.