Ағымдағы жылдың екінші жартыжылдығында ауыл әкімдерін тікелей сайлауды енгізуге 4,8 млрд теңге қажет болады, — деп хабарлады ҚР Ұлттық экономика министрі Әсет Ерғалиев Сенаттың жалпы отырысында.

Оның айтуынша, 2021-2022 жылдарға арналған жалпы сипаттағы трансферттердің қолданылу кезеңінде қаржыландыру республикалық бюджеттен нысаналы трансферттермен жүзеге асырылатын болады. 2023 жылдан бастап сайлауға арналған шығыстар жергілікті бюджеттердің шығыстар базасына енгізілетін болады және жалпы сипаттағы трансферттерді есептеу кезінде ескерілетін болады.