1992 жылдың 4 маусымында Тәуелсіз Қазақстанның жаңа мемлекеттік рәміздері бекітілді.

Мемлекеттік рәміздерге Елтаңба, Ту және Әнұран жатады. Елтаңбаның авторлары - белгілі сәулетшілер Жандарбек Мәлібеков пен Шот-Аман Уәлиханов. Тудың авторы-Қазақстанның еңбек сіңірген өнер қайраткері Шәкен Ниязбеков. Әнұран музыкасының авторы — композитор Шәмші Қалдаяқов. Әнұранның мәтінін Жұмекен Нәжімеденов пен ҚР Тұңғыш Президенті — Елбасы Нұрсұлтан Назарбаев жазған.

2007 жылғы 4 маусымдағы "Қазақстан Республикасының Мемлекеттік рәміздері туралы" Конституциялық заңға сәйкес жыл сайын 4 маусым Қазақстан Республикасында Мемлекеттік рәміздер күні ретінде атап өтіледі.