2020 жылы Қазақстанның сыртқы тауар айналымы 2019 жылмен салыстырғанда 13% - ға қысқарып, 85 миллиард долларды құрады, — деді Қазақстан Президенті Қасым-Жомарт Тоқаев Шетелдік инвесторлар кеңесінің пленарлық отырысында.

Мемлекет басшысы өз сөзінде пандемия кезінде әлемдік сауданың құлдырауы Қазақстанды да айналып өтпегенін атап өтті.

"Шикізаттық емес тауарлардың қазақстандық экспорты айтарлықтай аз – 2,8% - ға төмендеп, 15 миллиард долларды құрады. Осы дағдарыс жылында біз 18 миллиард доллардан астам тікелей шетелдік инвестиция тарта алдық. Өткен жылы шетелдік қатысумен жалпы сомасы 1,6 миллиард доллар болатын 41 инвестициялық жоба пайдалануға берілді. Жеті мыңнан астам жұмыс орны ашылды. Әлемдік экономиканың қалпына келуіне қарай Қазақстан да экономикалық өсу қарқынын арттыруда. Біздің Үкіметтің болжамы бойынша бұл өсім кем дегенде 3,5% — ды құрайды, одан да жоғары өсу мүмкіндігін күтеміз, — деді Президент.