"2021 жылдың басынан бері алты мыңнан астам өтініш қаралып, тұтынушыларға 70 млн теңгеден астам қаражат қайтарылды", — деп хабарлады ҚР Сауда және интеграция министрі Бақыт Сұлтанов.

"Шағымдардың басым бөлігі көлік, бөлшек сауда, тұрмыстық және туристік қызмет көрсету салаларындағы қызметтердің сапасына келіп түседі. Осыған байланысты, тұтынушылардың экономикалық мүдделерін қорғау және жәрдемдесу үшін 2020 жылы "Тұтынушылардың құқықтарын қорғау туралы" Заңға түзетулердің бірінші топтамасы қабылданды", – деп атап өтті министр.