"Бизнестің жол картасы — 2025" және "Қарапайым заттар экономикасы" бағдарламаларын іске асырудың барлық кезеңінде шағын және орта кәсіпорындар субъектілері 106 мыңнан астам жаңа жұмыс орындарын құрды, 36 трлн теңге сомасына өнімдер мен қызметтер шығарылды, жалпы сомасы 2,3 трлн теңгеге бюджетке салықтар төленді, деп хабарлады ҚР Ұлттық экономика министрлігінің баспасөз қызметі.

"Қарапайым заттар экономикасы" 2019 жылдан бастап жүзеге асырылуда және несие бойынша пайыздық мөлшерлеменің бір бөлігін субсидиялауды және несиелерге кепілдік беруді қарастырады. Соңғы қарыз алушы үшін мөлшерлеме 6% - ға дейін төмендетілді, кредиттеу мерзімі 10 жылдан аспайды, кредит бойынша сома шектелмейді.

"БЖК-2025" бағдарламасымен 2020 жылдан бастап салалық шектеусіз жылдық 6% мөлшерлемемен, 5 жыл мерзімге, несие сомасы 7 млрд теңгеге дейін жеңілдетілген несие беріледі.