Кәсіпкерлікті дамыту бойынша ұлттық жобаны қаржыландырудың жалпы көлемі 8,5 трлн теңгені құрады, деп хабарлады ҚР Ұлттық экономика министрі Әсет Ерғалиев ОКҚ брифингінде.

"Кәсіпкерлікті дамыту жөніндегі ұлттық жоба кәсіпкерлік белсенділікті арттыруға, кәсіпкерлердің өсуін жеделдетуге және жаңа тауашаларды қалыптастыруға, сондай-ақ бәсекелестікті кешенді дамытуға бағытталған. Аталған бағыттарды іске асыру шеңберінде 10 міндет, 30 көрсеткіш және 69 іс-шара көзделген. Ұлттық жобаны қаржыландырудың жалпы көлемі шамамен 8,5 трлн теңгені құрайды, оның ішінде республикалық бюджетте триллион теңгеден астам, жергілікті бюджеттерде — 125 млрд теңге көзделген", — деп атап өтті министр.

Оның айтуынша, 7,3 трлн теңге сомасына жеке инвестицияларды тарту қамтамасыз етіледі.