Үкіметтің 2022 жылға арналған заң жобалау жұмыстарының жоспары 31 заң жобасын әзірлеуді және Парламентке енгізуді көздейді, оның 11 – і бірінші жартыжылдықта, 20 — сы жылдың екінші жартысында, деп хабарлады Әділет министрі Марат Бекетаев Үкімет отырысында.

Заң жобалары мемлекеттік қызмет, жылу энергетикасы, денсаулық сақтау, білім беру, мәдениет және спорт салаларын, кірістерді заңдастыруға және терроризмді қаржыландыруға қарсы іс-қимыл тәсілдерін, агломерацияларды дамытуды, азаматтық және қылмыстық заңнаманы жетілдіруді және т. б. одан әрі дамытуға және реттеуге бағытталған.