2021 жылғы 1 қарашадағы жағдай бойынша жұмысынан айырылған жағдайда Мемлекеттік әлеуметтік сақтандыру қорынан (МӘСҚ) әлеуметтік төлем алушылардың саны 94,9 мың адамды құрады, бұл ретте олардың 70,2 мыңына төлем алғаш рет осы жылы тағайындалды, деп хабарлайды ҚР Еңбек және халықты әлеуметтік қорғау министрлігінің баспасөз қызметі.

"Қолданыстағы заңнамаға сәйкес жұмыстан шығарылған қызметкерлер міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін жұмысынан айрылуы бойынша әлеуметтік төлемдер алады. Төлем жоғалған табыстың 40% — на дейінгі мөлшерде МӘСҚ қаражаты есебінен жүзеге асырылады", - делінген хабарламада.