2021 жылдың 9 айының қорытындысы бойынша Қазақстандағы электрондық сауда көлемі 981,3 млрд теңгені құрап, 10,7% - ға жетті, деп хабарлады ҚР Сауда және интеграция министрі Бақыт Сұлтанов ҚР Парламенті Сенатында өткен Үкімет сағатында.

Министрдің айтуынша, электрондық коммерция экожүйесін кеңейту және дамыту аясында электрондық сауданы ынталандыру және ШОБ оқыту, тауарларды бөлу және жеткізу инфрақұрылымын дамыту бойынша жоспарлы жұмыс жалғасуда. 2025 жылға қарай электронды сауданың үлесін бөлшек тауар айналымының 15% - ына дейін жеткізу міндеті қойылды.