2022-2024 жылдары әлеуметтік салаға республикалық бюджет аясында 26,7 трлн теңге бөлінді, деп хабарлайды ҚР Парламенті Сенатының баспасөз қызметі.

"Бұл қаражат көптеген әлеуметтік мәселелерді шешуге мүмкіндік береді. Ең бастысы, мұнда әлеуметтік төлемдерді индекстеу, мұғалімдердің, дәрігерлердің, бюджет қызметкерлерінің басқа да санаттарының жалақысын арттыру және көптеген әлеуметтік нысандар салу туралы сөз болып отыр", — деп атап өтті Сенат төрағасы Мәулен Әшімбаев.