Қазақстан Республикасы Ұлттық Банкінің Ақша-кредит саясаты жөніндегі комитеті базалық мөлшерлемені +/– 1,00 п.т. пайыздық дәлізімен жылдық 9,75% деңгейінде сақтау туралы шешім қабылдады, деп хабарлайды ҚР ҰБ баспасөз қызметі.

Тиісінше, өтімділікті ұсыну бойынша тұрақты қолжетімділік операциялары бойынша мөлшерлеме 10,75% – ды, ал өтімділікті алу бойынша тұрақты қолжетімділік операциялары бойынша-8,75% - ды құрайды.

"Ұлттық Банк келесі шешімді инфляциялық күтулердің серпінін, инфляцияның тұрақты компоненттерін, сондай-ақ эпидемиологиялық жағдайдың сыртқы және ішкі сұранысқа әсерін ескере отырып қабылдайды. Күтулердің, инфляцияның және оның тұрақты компоненттерінің тұрақсыз баяулауы кезінде Ұлттық Банк монетарлық шарттарды неғұрлым қатаңдатуды жалғастырады", - делінген хабарламада.