"Кедендік және салықтық әкімшілендірудің автоматтандырылған жүйесі" 2018 жылдан бастап кезең-кезеңмен енгізілуде. "АСТАНА-1" тауарларды әкелуден бастап шығаруға дейінгі барлық кедендік процестердің негізгі жүйесі болып табылады, деп хабарлады ҚР Қаржы министрі Ерұлан Жамаубаев ҚР Парламенті Мәжілісіндегі Үкімет сағатында.

"Қазірдің өзінде оң нәтижелер байқалады. Барлық кедендік декларациялар электронды түрде ұсынылады. Бұрын декларация мен құжаттар қағаз тасығышта берілген болатын. Кедендік декларациялардың 82% - дан астамы 1 минут ішінде автоматты режимде шығарылады", - деп атап өтті министр.