Ағымдағы жылдың екі айының қорытындысы бойынша (трансферттерді есепке алмағанда) мемлекеттік бюджетке 2 трлн 724 млрд теңге сомасында кіріс түсті, деп хабарлады ҚР Қаржы министрі Ерұлан Жамаубаев Үкімет отырысында.

Министр кірістер бойынша жоспар 18 млрд теңгеге артығымен орындалғанын атап өтті: оның ішінде салықтар – 9 млрд теңгеге. Атап айтқанда, салықтар бойынша асыра орындаудың негізгі сомасы пайдалы қазбаларды өндіру салығына (ПҚӨС), корпоративтік табыс салығына (КТС) және шикі мұнайға экспорттық кедендік бажға (ЭКБ) тиесілі.