Алматыдан 140 шақырым жерде салынып жатқан қуаты 60 МВт жаңа жел электр станциясын (ЖЭС) 2022 жылдың тамыз айының басында пайдалануға беру жоспарлануда. Жобаның жалпы құны-37,4 млрд теңге, деп хабарлайды "Самұрық-Энерго" АҚ баспасөз қызметі.

"Әрқайсысының номиналды қуаты 2,5 МВт 24 жел энергетикалық қондырғыны, қосалқы станцияны, электр берудің әуе желілерін және ілеспе инфрақұрылымды салу көзделген. Станция жылына 225,7 млн кВт электр энергиясын өндіреді. ЖЭС салу және іске қосу парниктік газдар шығарындыларын 206 мың тоннаға дейін төмендетуге мүмкіндік береді, сондай — ақ жылына шамамен 89 мың тонна шартты отынның орнын басады",-деп нақтылады "Самұрық-Энерго".