Шағын және орта кәсіпкерліктің ЖІӨ-дегі үлесі 7,9%-ға өсіп, 34,7% - ға жетті, деп хабарлады ҚР Ұлттық экономика бірінші вице-министрі Тимур Жақсылықов Үкімет отырысында.

"ШОК өнімдерін шығару 2 есеге жуық артып, номиналды мәнде 29,7 трлн теңгеге жетті. Жұмыс істеп тұрған ШОК жалпы саны 15,2% - ға өсіп, 1,4 млн субъектіге жетті. ШОК-та жұмыспен қамтылғандардың жалпы саны 10,6% - ға өсіп, 3,5 млн адамға жетті. Бұл ретте ел дамуының жаңа моделі елдің ұзақ мерзімді экономикалық өсуінің тұрақтылығын қамтамасыз ету үшін сапалы өзгерістерді жалғастыруды талап етеді", — деп толықтырды вице-министр.