1 сәуірдегі жағдай бойынша қазақстандықтарға мүгедектік және асыраушысынан айырылу бойынша жәрдемақы түрінде 104,6 млрд теңгеден астам төленді, деп хабарлайды ҚР Еңбек және халықты әлеуметтік қорғау министрлігінің баспасөз қызметі.

"Оның ішінде 2022 жылдың наурыз айында республикалық бюджеттен мүгедектігі бойынша мемлекеттік әлеуметтік жәрдемақы төлеуге 27,6 млрд теңге, асыраушысынан айрылу жағдайына 7,7 млрд теңге жұмсалды. 2022 жылғы 1 сәуірдегі жағдай бойынша мүгедектігі бойынша мемлекеттік әлеуметтік жәрдемақы алушылардың саны 525 мың адамды, асыраушысынан айырылу жағдайы бойынша – 174,3 мың адамды құрайды", — деп нақтылады ведомстводан.