2022 жылғы 1 сәуірдегі жағдай бойынша Бірыңғай жинақтаушы зейнетақы қоры салымшыларының шоттарында шамамен 13 трлн теңге сомаға зейнетақы жинақтары қалыптастырылған. 01.04.2021 жылдан бастап 01.04.2022 жылға дейін бұл сома 380,5 млрд теңгеге немесе 3,0%-ға ұлғайды, деп хабарлайды БЖЗҚ баспасөз қызметі.

"Зейнетақы жинақтарының негізгі сомасы міндетті зейнетақы жарналары (МЗЖ) есебінен қалыптасты және 12,6 трлн теңгені құрады (соңғы 12 айда өсім 2,6% - ды құрады). Міндетті кәсіптік зейнетақы жарналары (МКЗЖ) бойынша зейнетақы жинақтарының сомасы 376,6 млрд теңгені (19,2% — ға ұлғайды), ерікті зейнетақы жарналары (ЕЗЖ) бойынша зейнетақы жинақтарының сомасы шамамен 1,8 млрд теңгені құрады", — делінген хабарламада.