Іскерлік белсенділік индексі сәуірде 49,5 – ке дейін көтерілді (наурызда-48,2), бірақ бұрынғысынша теріс аймақта қалып отыр, деп хабарлады ҚР ҰБ Ақша-кредит саясаты департаментінің директоры Рүстем Оразалин. 

"Іскерлік белсенділіктің өсуі өндіріс секторында ғана байқалды: индекс 50,5-ке дейін өсті (наурызда – 50,0), қалған секторларда 50 белгісінен төмен қалыптасты. Қызмет көрсету секторында және тау-кен өндіру өнеркәсібінде іскерлік белсенділік қалпына келе бастады ( 49,6 және тиісінше 49,9), құрылыста төртінші ай (44,5) төмендеу жалғасуда", — деп атап өтті Ұлттық банк өкілі.