2022 жылдың қаңтар — сәуір айларында бөлшек сауда көлемі 3683,7 млрд теңгені құрады, бұл 2021 жылдың сәйкес кезеңімен салыстырғанда 0,8%-ға артық, деп хабарлайды ҚР СЖРА Ұлттық статистика бюросының баспасөз қызметі.

"Сауда кәсіпорындарының тауарларды бөлшек саудада өткізуі 7,6% - ға ұлғайды. Бөлшек сауданың жалпы көлеміндегі азық – түлік тауарларының үлесі 31,7% — ды, азық-түлік емес тауарлардың үлесі 68,3% - ды құрайды", - делінген хабарламада.