2022 жылы ҚР-да бидайдың жалпы түсімі 13-13,5 млн тонна деңгейінде болжануда. Бұл көрсеткіш өткен жылдың өнімінен 15%-ға жоғары, деп хабарлайды ҚР Ауыл шаруашылығы министрлігінің баспасөз қызметі.

"Қазгидрометтің" мәліметтері бойынша, жалпы, егіннің болашағы үшін қолайлы ауа райы байқалады.

"Барлық астық егетін аймақтарда жауын - шашын күтіледі. Сонымен қатар, оңтүстік өңірлерде ылғалмен қамтамасыз ету тапшылығы байқалады. Осыған байланысты оңтүстік өңірлердің әкімдері фермерлерді суаратын сумен қамтамасыз ету бойынша уақтылы шаралар қабылдауы қажет (лимиттерді сақтау, түсіндіру жұмыстарын жүргізу және т.б.). Өнімділікті сақтау мен арттырудың келесі қадамы өсімдіктерді қорғау шаралары болып табылады. Осыған байланысты облыс әкімдерінен арамшөп өсімдіктері мен зиянкестеріне қарсы химиялық өңдеу жүргізу мәселелерін бақылауға алуды сұраймын", – деп атап өтті министр.