26 тамызда Цифрлық даму, инновациялар және аэроғарыш өнеркәсібі министрлігі Телекоммуникациялар комитетінің төрағасы Виталий Ярошенко Қазақстанда Интернет желісінің қамтылу ауқымын ұлғайту туралы хабарлады.

«Осы жылдың соңына қарай халықтың 99,3% - ы интернет желісіне кең жолақты қолжетімділікті ұсыну бойынша қызметтермен қамту аймағында тұратын болады», - деді телекоммуникация комитетінің басшысы брифингте.

2020 жылғы наурыз-мамырда Қазақстанда ТЖ кезінде шалғай елді мекендерді кең жолақты қолжетімділікпен қамтамасыз ету қажеттілігі өсті .

Сол кезде республикада интернетті пайдаланушылар саны бүкіл халықтың 84,2% - ын құрады - бұл барлық 118 қаланың және 3G/4G желілерін пайдалануға мүмкіндігі бар 4 235 ауылдық елді мекеннің тұрғындары.