Ағымдағы жылдың наурыз айынан бастап жосықсыз жер пайдаланушыларға қатысты 224 жоспардан тыс тексеру тіркелді, деп хабарлады primeminister.kz сайты. 

"Премьер-Министрдің бірінші орынбасары Роман Склярдың басшылығымен пайдаланылмайтын және заңнаманы бұза отырып берілген жерлерді алып қою жөніндегі жұмыс комиссиясының кезекті отырысы өтті, оның шеңберінде ведомствоаралық өңірлік топтар жұмысының нәтижелері қаралды. Жұмыс комиссиясының қызметі басталғаннан бері мемлекетке 606,6 мың гектар ауыл шаруашылығы жері қайтарылды. Халықты ауыл шаруашылығы мақсатындағы жерлермен қамтамасыз ету мәселелері Үкіметтің ерекше бақылауында және осы бағыттағы жұмыстар жалғасатын болады", - делінген хабарламада.