2030 жылы Қазақстанның еңбекке қабілетті халқының 80% - ын 30 жастан аспаған жастар құрайды. Мұндай болжамды ҚР Премьер-Министрі Әлихан Смайылов депутаттық сауалға берген жауабында айтты.

"Қазір жұмысқа орналастыру Үкіметтің басты назарында. 2000 жылдан бастап 300-400 мың бала дүниеге келгені белгілі, елдегі демографиялық жағдай жақсарды. Қазір олардың үлкендері еңбекке қабілетті жасқа жетіп, жұмыс күшінің 60% - ын құрайды, ал 2030 жылға қарай олардың үлесі 80% - ға жетеді. Яғни, жыл сайын жастар үшін миллионға жуық жұмыс орны құрылуы тиіс", — деп атап өтті Үкімет басшысы.