Алдағы бес жылда Қазақстанда құрылыс материалдарын өндіруге бағытталған 107 инвестициялық жоба жүзеге асырылады, деп хабарлады ҚР Премьер-Министрі Әлихан Смайылов. 

"Шын мәнінде, мемлекет жылжымайтын мүлік нарығындағы бағаны реттемейді. Бірақ біз тиісті мониторинг жүргіземіз. Құрылыс материалдары нарықтағы бағаның өсуіне тікелей әсер ететіні белгілі. Мемлекет бұл құрылыс материалдарының бағасы өсіп кетпеуі үшін шаралар қабылдауы керек. Біз, мысалы, бес жыл ішінде 107 инвестициялық жобаны іске асырамыз. Олардың көлемі 1 трлн теңгеге жетеді. Бұл инвестициялық жобалар отандық құрылыс материалдарын шығаруға бағытталған", - деді Әлихан Смайылов Qazaqstan ұлттық телеарнасына берген сұхбатында.