Қабылданған заң жобаларының әлеуметтік-экономикалық салдарын бағалау бойынша семинар
Қабылданған заң жобаларының әлеуметтік-экономикалық салдарын бағалау халыққа, бизнеске және мемлекетке оларды енгізу нәтижесіндегі пайда мен шығындарды жан-жақты талдау болып табылады.
Қабылданатын заң жобаларының әлеуметтік-экономикалық салдарын бағалау ғылыми экономикалық сараптаманы жүргізу мақсатында жүзеге асырылады. Бұл Қазақстан Республикасының 2016 жылғы 6 сәуірдегі №480-V «Құқықтық актілер туралы» Заңына және ғылыми сараптаманы ұйымдастыру мен жүргізу, сондай-ақ ғылыми сарапшыларды іріктеу қағидаларына сәйкес жүргізіледі (Қазақстан Республикасы Әділет министрінің 2023 жылғы 11 шілдедегі №473, Қазақстан Республикасы Ұлттық экономика министрі м.а-ның 2023 жылғы 12 шілдедегі №135 және Қазақстан Республикасының Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) Төрағасының 2023 жылғы 11 шілдедегі №223 бірлескен бұйрығына сай бекітілген).
Заң жобаларын әзірлеуші мемлекеттік органдар бағалау жүргізу кезінде қабылданған заң жобаларының әлеуметтік-экономикалық салдарын бағалауға арналған паспортты толтырады, ол келесі бөлімдерді қамтиды:
1. Жалпы ақпарат
2. Заң жобасын әзірлеудің негізділігі және уақтылылығы
2.1 Заң жобасы шешуге бағытталған мәселе
2.2 Проблемалық саладағы ағымдағы жағдайды және мемлекеттік реттеуді талдау
2.3 Заң жобасының мақсаты мен міндеттері
2.4 Заң жобасының мақсаттарының мемлекеттің стратегиялық мақсаттарына сәйкестігі
2.5 Осыған ұқсас реттеу мәселелерін шешудің халықаралық тәжірибесі
2.6 Заң жобасын әзірлеу сатысында қарастырылған мәселені шешудің барлық нұсқаларының сипаттамасы және таңдалған нұсқаның негіздемесі
3. Мақсатты топтар үшін пайда-шығынды талдау әдісін қолдану арқылы әлеуметтік-экономикалық салдарларды талдау
I. Халық
II. Шаруашылық субъектілері
III. Мемлекет
4. Іске асыру тәуекелдері
5. Заң жобасының мақсаттары мен міндеттеріне қол жеткізу құралдары
6. Заң жобасын көпшілік талқылауының қорытындылары
7. Қолданба
Қабылданған заң жобаларының әлеуметтік-экономикалық салдарын бағалау халық, мемлекет және бизнес үшін негізсіз шығындарды болдырмайтын, тұрақты әлеуметтік-экономикалық даму үшін қолайлы нормативтік-құқықтық ортаны құруға ықпал етеді. Бағалау нәтижелері ұсынылған реттеу шараларының орындылығы туралы шешім қабылдау үшін пайдаланылады.
Институт жыл сайын орталық мемлекеттік органдардың қызметкерлері үшін «Қабылданған заң жобаларының әлеуметтік-экономикалық салдарын бағалау сапасын арттыру» тақырыбында оқыту семинарларын өткізеді.
Семинардың мақсаты – заң жобаларының сапасын арттыру және қабылданған заң жобаларының әлеуметтік-экономикалық салдарын бағалау бойынша практикалық әдістемелік көмек көрсету.
Семинар өтетін күні: 2025 жылғы 29 шілде сағ.16.00-де
Қарау саны: 1549
Сақталған: 21.07.2025
