17.06.2023
Ауылдық жерлерде әкімдерді сайлау қорытындыларымен таныстыруды жалғастырамыз.
14 мамырда Түркістан облысында 3 аудандағы (Сарыағаш, Сауран, Созақ) аудандық маңызы бар қалалар, ауылдар, кенттер, ауылдық округтер және Арыс қаласында әкімдерінің тікелей сайлауы өтті.
Түркістан облысы бойынша 21 кандидат ұсынылды. Олардың ішінде «AMANAT» саяси партиясынан тек 2 кандидат; қалған 19 - өзін-өзі ұсынушылар.
Сайланған кандидаттардың орташа жасы – 44. Бұл ретте, ең жасы 32 жаста, ең үлкені 60 жаста (1-кесте).
Арыс қаласында 8 кандидаттың ішінен Дерменен ауылдық округінің ауылдық әкімі сайланды. Жаңа кандидаттардың орташа жасы – 44, бұл ретте ең жас кандидат – 34 жас, ал ең жасы үлкен кандидат – 51 жаста. Барлық 8 кандидат өзін–өзі ұсыну жолымен ұсынылды, барлық кандидаттар - ер адамдар.
Сарыағаш ауданында 6 кандидат ұсынылды. Ең жасы 32-де, ең жасы үлкені 60 жаста. Сондай-ақ, 6 кандидаттың 4-і қазіргі мемлекеттік қызметшілер екенін атап өткен жөн. Сондай-ақ, Арыс қаласындағыдай, барлық кандидаттар өзін-өзі ұсынғандар болды.
Сауран ауданында 4 кандидат тіркелді, оның ішінде тек 1 кандидатты «AMANAT» саяси партиясы ұсынды; қалған 3-і – өзін-өзі ұсынушылар. Барлық 4 кандидат - ер адамдар. Орташа жасы - 45 жас.
Созақ ауданында 3 кандидат ұсынылды, оның ішінде 1 кандидат – «AMANAT» саяси партиясы, қалған 2 кандидат өзін-өзі ұсынды. Ұсынушылардың орташа жасы - 41 жасты құрады. Ең жас - 33 жаста, ең жасы үлкен - 46 жаста.
Айта кету керек, ауыл әкімдеріне кандидаттардың көпшілігі өзін-өзі ұсынушылар (89,5%) болып табылады. Мұның бәрі белсенді тұрғындардың әлеуетін іске асыруға арналған мүмкіндіктерін және қоғамда үлкен қызығушылықты жинақтап көрсетеді.
Осылайша, өзін-өзі ұсынушылардың проценті өсуде, бұл адамдардың алға жылжу және сайлану құқығын жүзеге асыру туралы айтады. Жергілікті өзін-өзі басқаруды дамытудың жаңа тұжырымдамасын іске асыру өңірлерде саяси сауаттылық пен мәдениетті арттыруға жәрдемдеседі, осылайша адамдар белсендірек болады және өз өңірінің, ауылының немесе қаласының маңызды мәселелерін шешуге тартылатын болады.
Естеріңізге сала кетейік, Түркістан облысында 826 ауыл бар, онда 1 605 876 адам тұрады.
Түркістан облысының ауылдарында адамдардың өмір сүру сапасы шешілуіне байланысты бірнеше инфрақұрылымдық проблемалар бар. Оларға инфрақұрылым объектілерін – жолдарды, электрмен жабдықтауды, сумен жабдықтауды жаңғырту қажеттілігін жатқызуға болады.
Түркістан облысының ауылдық елді мекендерін Өңірлік стандарттар жүйесінің талаптарына сәйкес объектілермен және қызметтермен (игіліктермен) қамтамасыз ету көрсеткіші 49,2% құрайды.
Осы проблемаларды шешу үшін жаңа сайланған әкімдер «Ауыл – ел бесігі» инфрақұрылымын жаңғырту жөніндегі жобаны іске асыру бойынша жұмысқа белсенді түрде қосылу, жобаларды іске асырудың кезектілігін, басымдылығын бірнеше жылға алдын ала жоспарлау, адамдардың сұраныстарына ықыластылық таныту және ауыл тұрғындарын түрлі жергілікті мәселелерді шешуге тарту қажет.
Өмір сапасы орталығының сарапшысы Садуахасова Диана
Барлық мақалалар
