Шанхайдағы халықаралық сауда көрмесі

Шанхайда 5-10 қараша аралығында Халықаралық импорттық тауарлар көрмесі (CIIE 2020) өтуде.

Қазақстан атынан 8 санат бойынша 35 өндіруші өкілдік етеді:

1. ұн тарту өнеркәсібі, крахмалдар және крахмал өнімдері («Дани-Нан» ЖШС, «Аруана-2010», «Бест-Қостанай», «Саламат» компаниясы, BIO Operations және басқалары);
2. тұз («Аралтұз» АҚ);
3. сусындар («Global Beverages» ЖШС, Arba Wine, «Нұржанар» АҚ, ОБИС компаниясы, RG Brands Kazakhstan);
4. балық, ет және ет консервілері («Кублей» ЖШС, Meat Processing and service, KazBeef Group, «Первомайские деликатесы» ЖШС және басқалар);
5. сүт өнімдері («ДЕП» ЖШС, «Лидер 2010»);
6. кондитерлік өнімдер мен бал («Баян Сұлу» АҚ, «Kondiz Distribution» ЖШС, «Сәуле» кондитерлік фабрикасы, «Пчела» ЖШС);
   
7. өсімдік майлар «Евразиан Фудс Корпорейшн» АҚ, «Kaz-Ir Agro» ЖШС, «ЭФКО АЛМАТЫ»);
8. тұздықтар.

CIIE-China International Import Exposition-Қытай нарығына халықаралық өнімдер үшін тиімді алаң.

«Шанхай көрмесі В2В форматындағы сұранысқа ие сауда алаңдарының бірі болып табылады. Бұл әсіресе биылғы жылы, пандемияға байланысты жаһандық шектеулерге қатысты өзекті болып отыр. Көрме алаңында қазақстандық компаниялар Қытайда бизнес-серіктестер табу мүмкіндігіне ие болды. Биылғы көрме қазақстандық тауарларды сатып алуға мүдделі көптеген қонақтарды тартады деп үміттенеміз», - деп түсіндірді ҚР Сауда және интеграция министрі Бақыт Сұлтанов.