АСЕАН және серіктестер:

Әлемдегі ең ірі еркін сауда аймағын құру туралы келісімге Азия-Тынық мұхиты өңірінің 15 елі: Бруней, Мьянма, Камбоджа, Индонезия, Лаос, Малайзия, Филиппин, Сингапур, Таиланд және Вьетнам, сондай-ақ Қытай, Австралия, Жапония, Оңтүстік Корея және Жаңа Зеландия қол қойды.

Жан-жақты өңірлік экономикалық әріптестік туралы шартқа қол қою рәсімі Вьетнамдағы Оңтүстік-Шығыс Азия мемлекеттері қауымдастығының онлайн-саммитінде өтті.

Бұл келісім әлемдік ЖІӨ-нің үштен бір бөлігін құрайтын сауда бірлестігін құрайды. Бұл, қорытынды мәлімдемеде айтылғандай, өңірдегі сауданы ырықтандыруды қарастырады, бұл «оның экономикалық өркендеуіне ықпал етеді».

Кеңесте атап өтілгендей, ЖӨЭӘ туралы келісім пандемиядан кейінгі кезеңде АСЕАН елдерін қалпына келтіруге түрткі болады. Оның күшіне енуі шамамен 2,2 млрд тұтынушысы бар және ЖІӨ көлемі 28 трлн доллар болатын әлемдегі ең ірі еркін сауда аймағын құрады, бұл ЖІӨ-нің жалпы әлемдік көлемінің 32% - дан астамын құрайды.

Сарапшылардың пайымдауынша, Келісім ережелерін іске асыру жұмыс орындарын құру үшін үлкен әлеуетке ие, сондай-ақ өңірлік және жаһандық өндірістік - өткізу тізбектерінің дамуын жеделдетеді, бұл АСЕАН елдері мен қауымдастықтың серіктес мемлекеттері экономикасының дамуына қуатты серпін береді. Мамандардың болжамы бойынша, 2050 жылға қарай тұтастай өңірлік экономикалық әріптестік туралы келісім жасасқан елдердің жалпы ЖІӨ 100 трлн долларға дейін өсуі мүмкін.

Сонымен бірге блоктың құрылуы тарихи жетістік болды: Қытай мен Жапония тарифтерді төмендету туралы екіжақты келісімге алғаш рет қол жеткізді.

Анықтамалық: Оңтүстік-Шығыс Азия мемлекеттерінің қауымдастығы 1967 жылы құрылған және бүгінгі күні Оңтүстік-Шығыс Азияның барлық елдерін біріктіреді: Бруней, Вьетнам, Индонезия, Камбоджа, Лаос, Малайзия, Мьянма, Сингапур, Таиланд және Филиппин. 2020 жылдың басынан бастап АСЕАН төрағасының өкілеттіктері ротация қағидаты бойынша Вьетнамға өтті.