АДБ:

Азия даму банкі (АДБ) Қазақстан қор биржасында (KASE) жасыл еурооблигациялардың екі шығарылымын орналастырып, шамамен 14 млрд теңге ($32 млн) тартты.

Екі жылдық облигациялар бойынша (10,09 млрд теңгеге XS2251962903 шығарылымы және 3,87 млрд теңгеге XS2251962499 шығарылымы) 10,10% және тиісінше 10,12% мөлшерлемесімен жартыжылдық купондар төленетін болады.

Аталған облигациялар парниктік газдардың атмосфераға шығарындыларын азайтуға немесе парниктік газдар шығарындыларын атмосферадан шығаруға бағытталған жобаларды инвестициялау мақсатында шығарылды және (немесе) антропогендік немесе табиғи жүйелердің климаттың өзгеру салдарына осалдығын төмендетуге және орнықтылық пен бейімделу қабілетін арттыруға бағытталған.

АДБ хабарлағандай, қағаздарды банктер мен институционалдық инвесторлар сатып алды.

Бұл KASE – дегі жасыл бондтардың бірінші шығарылымы және Қазақстандағы екінші шығарылым. Ағымдағы жылдың тамыз айында "Даму" кәсіпкерлікті дамыту қоры AIX-ке 200 млн теңгеге жасыл купондық облигациялар шығаруды орналастырды.