ЕАЭО:

Онлайн-форматта өткен бірінші Эфиопия-Еуразиялық бизнес-форумында іскерлік және сарапшылар қоғамдастығының өкілдері Еуразиялық экономикалық одақ елдерінің Эфиопия Федеративтік Демократиялық Республикасымен ынтымақтастығының перспективаларын талқылады.  

«... Біз Африка құрлығының бірқатар елдері тарапынан ЕЭК-пен диалогты тереңдетуге мүдделіліктің артқанын атап өтеміз, бұл ЕАЭО шеңберінде ұлтүсті реттеудің әртүрлі аспектілеріне назар аударумен байланысты» - деп форумда Еуразиялық экономикалық комиссия атынан сөз сөйлеген  Интеграцияны дамыту департаментінің директоры Гоар Барсегян хабарлады.

Өз кезегінде Эфиопияның Төтенше және Өкілетті Елшісі Аргау Алемайеху Тегенге одақ елдерімен сауда-экономикалық өзара іс-қимылды тереңдетуге мүдделілік білдірді.

РҒА Африка институтының директоры Ирина Абрамованың айтуынша, Эфиопия өз аумағы арқылы өтетін қытайлық Жаңа Жібек жолына, сондай-ақ Эфиопия экономикасының өсу қарқынына байланысты инвесторлар үшін ерекше тартымдылыққа ие.

Бизнес-форум шеңберінде инвестициялар, сауда-экономикалық өзара іс-қимылды дамытуда қаржы құралдарын пайдалану, инновациялық технологиялар мен бірлескен өндірістер трансфері, Одақ елдерінің бизнесі үшін Эфиопияда преференциялар жүйесін құру мәселелері талқыланды.

Іс-шараға Эфиопияның ресми және іскер топтарының, сондай-ақ ЕАЭО мемлекеттерінің сарапшылық және іскерлік қоғамдастықтарының өкілдері қатысты.

Анықтамалық: ЕАЭО-ның Африка мемлекеттерімен тауар айналымы соңғы 10 жылда 20 млрд доллардан асып, үш есеге жуық өсті. Бұл ретте сауда-экономикалық және инвестициялық өзара іс-қимылды ұлғайту үшін елеулі резерв сақталуда.