ЕО-БҰҰ: Spotlight басталды

8 желтоқсанда гендерлік зорлық-зомбылыққа қарсы күрес бойынша белсенділіктің 16 күні аясында Орталық Азия мен Ауғанстанға арналған Spotlight ("жарық сәулесі") бастамасының өңірлік бағдарламасы ресми түрде басталды.

Spotlight бастамасы (SI) – бұл Еуропалық Одақ (ЕО) пен Біріккен Ұлттар Ұйымы (БҰҰ) арасындағы әйелдер мен қыздарға қатысты зорлық-зомбылықтың барлық түрлерін (VAWG), оның ішінде зиянды тәжірибелерді жою жөніндегі жаһандық серіктестік.

"Spotlight-бюджеті 4,3 миллион долларды құрайтын өңірлік бағдарлама, Еуропалық Одақ 25-тен астам елдер мен өңірлерде әйелдерге қатысты зорлық-зомбылықтың әртүрлі түрлерімен күресуге бағытталған жаһандық бастаманың бөлігі болып табылады. Орталық Азия мен Ауғанстанда бағдарлама әйелдер мен қыздарға қатысты жыныстық және гендерлік зорлық – зомбылықты тоқтату бойынша күш-жігерді нығайтуға бағытталған", - делінген БҰҰ-ның Нұр-Сұлтандағы өкілдігінің хабарламасында.

Орталық Азия мен Ауғанстандағы Spotlight бағдарламасының түпкі мақсаты жыныстық және гендерлік зорлық-зомбылыққа және зиянды практикаға нөлдік төзімділік бар ортаны құру болып табылады, оған Орталық Азия мен Ауғанстандағы бес елде ұлттық мүдделі тараптар және 35 миллионға жуық әйелдер мен қыздар ықпал ететін болады.

Spotlight бағдарламасы сондай-ақ цифрлық сауаттылыққа оқытуды және әйелдер мен қыздардың құқықтарын құрметтеуге және қорғауға қатысуға негізгі мүдделі тараптарды тартуды қамтитын болады. Бастаманы БҰҰ-ның Қазақстандағы тұрақты үйлестірушісінің кеңсесі үйлестіреді және БҰҰ Даму Бағдарламасы (БҰҰДБ), БҰҰ-ның халық қоныстануы саласындағы қоры (ЮНФПА) және "БҰҰ-әйелдер" құрылымы арқылы іске асырады.

Жоба бүкіл әлемде 2016 жылы Еуропалық Одақтың 500 миллион еуро көлеміндегі жаһандық қаржылық міндеттемесімен басталды.