World Logistics Passport

20 желтоқсанда Қазақстан Республикасының Сауда және интеграция министрі Бақыт Сұлтанов пен Dubai Ports World Бас атқарушы директоры, Дубай теңіз порттары, кеден және еркін аймақ корпорациясының төрағасы Султан Ахмед бен Сулейм өзара түсіністік туралы меморандумға қол қойды.

Қазақстан Республикасы World Logistics Passport (WLP) - дамушы нарықтар арасындағы сауда мүмкіндіктерін кеңейту үшін құрылған ірі бастамаға қосылды. Бастама логистиканың тиімсіздігі сияқты сауда кедергілерін еңсеруді көздейді-қолданыстағы сауда бағдарларын жақсартады және логистикалық пен сауда компаниялары үшін адалдық бағдарламасы арқылы жаңа бағдарларды әзірлейді.

2019 жылдың шілдесінен бастап жұмыс істеп келе жатқан жоба қатысушылардың саудасын 10 пайызға арттырды. Қазақстаннан басқа World Logistics Passport бағдарламасында өңірлік хабтар және WLP серіктестері ретінде Колумбия, Сенегал, Бразилия, Уругвай, Таиланд және Оңтүстік Африка да тіркелген. Тағы 8 ел WLP интеграциясына дайындықтан өтуде. WLP-ге қосылу Қазақстанның Еуропа, Қытай елдерімен және Латын Америкасы мен Африканың өркендеп келе жатқан нарықтарымен өзара саудасын әртараптандыруға мүмкіндік береді.

"Қазақстан "Бір белдеу, бір жол" бастамасы мен World Logistics Passport арасындағы байланыстырушы буын бола алады. Бұл еліміздің барлық транзиттік әлеуетін аша отырып, көлік және логистика саласында жаңа мүмкіндіктер ашады", - деп түсіндірді Бақыт Сұлтанов.

Қазақстанның негізгі логистикалық хабы Алматы болатынын атап кеткен жөн. Қаланың стратегиялық орналасуы Қазақстанның Қытай мен Еуропа арасындағы сауда үлесін арттыруға мүмкіндік береді. "Алматы сондай-ақ Еуразиялық экономикалық одақ, Шанхай ынтымақтастық ұйымы және Экономикалық ынтымақтастық ұйымы сияқты өңірдегі нарықтарға қолжетімділікті қамтамасыз етеді және осы нарықтар мен World Logistics Passport әріптестері арасындағы шлюз бола алады. Алматы әуежайы әлемдік деңгейдегі қызметтердің кең спектрін ұсынатын авиахабқа айналады", - деп хабарлады ҚР Сауда және интеграция министрлігінің баспасөз қызметі.