29.12.2020
ТМД Парламентаралық Ассамблеясының байқаушылар тобы Қазақстан Парламенті Мәжілісі депутаттарының сайлауының қысқа мерзімді мониторингін жүргізуге қатысады.
«Мониторинг тобының құрамына ТМД ПАА мүше-мемлекеттерінің парламентарии, ТМД ПАА мүше мемлекеттері демократиясының, парламентаризмнің және азаматтардың сайлау құқықтарының сақталуына мониторинг жөніндегі халықаралық институттың өкілдері, ТМД ПАА Кеңесі Хатшылығының қызметкерлері кіреді. Жалпы алғанда, Қазақстандағы сайлауда ТМД ПАА-ның 47 байқаушысы жұмыс істейді», - деп хабарлады ТМД ПАА Кеңесі Хатшылығының баспасөз қызметі.
Ресейлік сенатор Алексей Майоров ТМД ПАА байқаушылар тобының үйлестірушісі болып тағайындалды.
«2021 жылдың қаңтардың 7 мен 12-сі аралығында топ Нұр-Сұлтанда және Қазақстанның басқа өңірлерінде жұмыс істейді», - делінген хабарламада.
Сонымен қатар, дауыс беру күні Баку, Ереван, Минск, Бішкек, Санкт-Петербург, Душанбе және Берлиндегі шетелдік сайлау учаскелерінде тікелей мониторинг жүргізілетін болады. Қазақстан Парламенті Мәжілісінің сайлауы 2021 жылдың 10 қаңтарына тағайындалған.
Қарау саны: 1188
Сақталған: 23.11.2024
