Екі мұнай өндіруші мемлекет – Қазақстан және Ресей ғана ақпан мен наурыз айларында мұнай өндірісін ұлғайтады. ОПЕК+ мәмілеге қатысушы елдер екі жұмалық келіссөздер барысында осындай шешімге келді.
ОПЕК + келісімінің шеңберінде алғаш рет Қазақстан мен Ресей үшін таяудағы екі айда қара алтын өндірісін кезең-кезеңімен ұлғайтуды көздейтін жекеленген шарттар келісілді.
Ақпанда қаңтарлық көлемдер сақталады. Елдер тәулігіне екі миллион баррель өндірісін өсіруді сәуірде ғана бастайды.
Қазақстан үшін тәулігіне 10 мың баррель, Ресей үшін 65 мың баррель көлемі анықталды. Сонымен қатар, пайыздық қатынаста екі елде де өндіріс өсімі бірдей деуге болады.
ОПЕК + кездесуіне қатысушылар Сауд Арабиясы ақпан мен наурыз айларында мұнай өндіруді өз еркімен миллион баррельге қысқартатыны туралы келіскен. Осылайша, картель нарықтың қызып кетуіне жол бермейді. Инвесторлар бұл шешімге назар аударғанын атап өткен жөн. Соңғы саудада Brent маркасының баррелі наурыздан бастап алғаш рет 54 доллардан асты.
