АҚШ, Қазақстан, Өзбекстан:

АҚШ, Өзбекстан және Қазақстан «Орталық Азиядағы инвестициялық серіктестік» құрылғанын жариялады.  2021-2025 жылдарда елдер «Орталық Азиядағы инвестициялық серіктестік» бастамасы шеңберінде өңірдегі жеке жобаларды қолдау үшін $1 млрд кем емес қаражат тартуға ниетті.  

АҚШ-тың «Халықаралық даму қаржы корпорациясы» (ДҚК), Өзбекстан Республикасы Инвестициялар және сыртқы сауда министрлігі және  Қазақстан Республикасы Үкіметінің мүддесі үшін әрекет ететін «Астана» халықаралық қаржы орталығы кем дегенде  $1 млрд тарту үшін бар күшін салады, хабарлайды өзбекстандық инвестиция және сыртқы сауда министрлігінің баспасөз қызметі (ӨИСМ).

Үшжақты серіктестік халықаралық инфрақұрылым сапасының стандарттарына сәйкес келетін және инвестициялардың өсуіне ықпал ететін жеке сектордың жобаларын ілгерілетуге бағытталған.

«Орталық Азия инвестициялық серіктестігі» C5 + 1 платформасы арқылы жұмыс істеп  сауданы ұлғайту, кешенді дамуды ынталандыру және көпжақты байланыстарды тереңдету үшін барлық мүмкіндіктерді пайдалануға ұмтылатын болады. Аталған  бастама АҚШ-тың Орталық Азиядағы экономикалық өсу мен өркендеуін қолдау жөніндегі күш-жігерін ілгерілетудегі маңызды қадам болып табылады, делінген хабарламада. «Өңір COVID-19 пандемиясының экономикалық әсерін жеңуге ұмтылып жатқандықтан, мұндай ынтымақтастық пен тұрақтылық бұрынғыдан да маңызды», - деп атап өтті ӨИСМ.

«Орталық Азия – АҚШ елдері» (С5+1) өзара іс-қимылдың жаңа форматы 2015 жылғы қыркүйекте өңірлік мәселелерді талқылау үшін құрылған.