Тұрғын үй салу

2020 жылдың қорытындысы бойынша Қазақстанда бір тұрғынға шаққанда тұрғын үйді пайдалануға беру көрсеткіші 0,81 шаршы метрге жетті. Бұл Тәуелсіз Мемлекеттер Достастығы елдерінің арасындағы ең жоғары көрсеткіш және ол экономикалық дамыған елдердің деңгейіне жақындады. Осылайша, өткен жылдың қорытындысы бойынша Ресейде - 0,56 ш.м., Беларусьте - 0,45 ш. м. және Өзбекстанда - 1 адамға 0,36 ш. м. тұрғын үй пайдалануға берілді. 

Аталған көрсеткіш 2019 жылдан бері өлшеніп келеді және екінші жыл қатарынан Қазақстан ТМД елдері арасында көш бастап келеді. 

Естеріңізге сала кетейік, 2020 жылы Бірыңғай тұрғын үй саясатын жүзеге асыру бағдарламасы аясында барлық қаржыландыру көздері есебінен рекордтық 15,3 млн шаршы метр тұрғын үй пайдалануға берілді, бұл 2019 жылдың көрсеткішінен 16,8% - ға артық. 

2020 жылғы әлемдік рейтингте Қазақстан Росстаттың, Еуростаттың және Еуропаның жекелеген елдеріндегі статистика жинау жөніндегі комитеттердің деректері негізінде салынған пәтерлер саны бойынша үшінші болды.

Жаңа жеке тұрғын үй-жайларды салу көлемі он мың адамға 181 пәтер деңгейінде. Құрылыс көлемдерінің негізгі индикаторы жан басына шаққанда 2017-2019 кезеңінде салынған пәтерлер санын бағалау болып табылады. 

Сондай-ақ, бірінші бестікке Финляндия мен Ирландия кірді. Алғашқы бестікті қорытындылаған Ирландияда үш жыл ішінде 10 мың адамға арналған 173 пәтер салынды. 

Рейтингтегі соңғы орында Италия тұр, онда сарапшылардың пікірінше, соңғы үш жылда 10 мың тұрғынға 26 пәтер ғана салынды.