Өзбекстан мен Қырғызстан жарғылық капиталы 50 млн долларды құрайтын инвестициялық қор құрады. Тиісті келісімді екі елдің Президенттері қабылдады.Қырғызстан басшысы Садыр Жапаровтың Ташкентке сапары аясында өзбек-қырғыз әріптестігінің барлық бағыттарын қамтитын 22 құжатқа қол қойылды. Олардың қатарында Инвестициялық қорын құру туралы келісім бар.
"
Өзбекстан мен Қырғызстан жарғылық капиталы 50 млн долларды құрайтын бірлескен инвестициялық қор құрады, оны алдағы уақытта 200 млн долларға дейін жеткізу жоспарланып отыр", - деді Өзбекстанның вице-премьері-Инвестициялар және сыртқы сауда министрі Сардор Умурзаков. Өзбекстанның вице-премьері құрылатын қор өзбек-қырғыз ынтымақтастығын дамытудың қозғаушы күшіне айналатынын, бірқатар жаңа бірлескен жобаларды, ең алдымен өнеркәсіптік кооперация саласындағы жобаларды қолдауға мүмкіндік беретінін атап өтті. "
Бұл біз бүгін пайдалануымыз керек өсу нүктесі", - деп атап өтті ол.
Кездесу барысында мыналарға қол қойылды:
- 50-ге жуық бірлескен жобаны іске асыруды көздейтін өнеркәсіптік кооперацияны кеңейту және тереңдету жөніндегі практикалық шаралар жоспары;
- Қырғызстандағы су энергетикасы объектілерін салу саласындағы өзара электр энергиясын жеткізу және ынтымақтастық туралы құжаттар;
- сыртқы саяси ведомстволардың өзара іс-қимыл бағдарламасы;
- кеден ісі, әскери және әскери-техникалық ынтымақтастық, денсаулық сақтау, ауыл шаруашылығы, азық-түлік қауіпсіздігі, өсімдіктер карантині, білім, ғылым және мәдениет салаларындағы бірқатар маңызды құжаттар.
