Қазақстан-Украина: серіктестік

16 наурызда Қазақстан-Украина іскерлік кеңесінің 1-ші онлайн-отырысы өтті.

Украинаның "ЗЕД" экспорттаушылар мен импорттаушылар қауымдастығының төрағасы Сергей Свистиль Қазақстан мен Украина арасындағы сауда қатынастарының даму мәселелері туралы хабарлады.

"ЗЕД" қауымдастығы бүгінгі таңда қалыптасқан екіжақты экономикалық әріптестік жағдайына талдау жасады. Қазақстан мен Украинаның өзара іс-қимылында үш негізгі мәселе бар: сертификаттау, логистика және қаржы құралдарын пайдалану.

"Бізге практикалық бағытқа көшу және сауданы мүмкіндігінше тезірек жандандыру үшін, ең алдымен, осы мәселелерді шешу қажет. Сертификаттау бойынша біз ұлттық сертификаттау жүйелерін құру бөлігінде бір-бірімізден көбірек алыстап бара жатырмыз. Атап айтқанда, біз еуропалық сертификаттау жүйесіне барамыз, жақын арада украиндық тауарлардың Еуропалық Одаққа сәйкестігін тану туралы қол қоюды күтеміз. Көптеген регламенттер еуропалық регламенттерге толығымен сәйкес келеді және біз қазақстандық компанияларға сертификаттау арқылы Украина нарығына кіруге рұқсат беруге дайынбыз..."- деді Сергей Свистиль.

«...Сондай-ақ, біз сізге Еуропалық Одақ нарығына шығуға көмектескен кезде, Украинада тауарларды нақтылау жағдайында ЕО-да нөлдік баж салығын қамтамасыз ете отырып, өзара ынтымақтастық схемаларын қолдана алатынымызға назар аударар едім. Біз сіздің тауарларыңыз Еуропалық Одаққа нөлдік баж салығымен кіре алатын тетіктерді құра аламыз", - деп жалғастырды ол.

Өз кезегінде, отырыста сөз сөйлеген Қазақстанның сыртқы сауда палатасының Басқарма Төрағасы Аян Еренов қатысушыларды 2020 жылы Қазақстан мен Украина арасындағы тауар айналымы өткен 10 жылдағы ең төменгі көрсеткіштерге дейін төмендегені туралы хабардар етті. Ол шамамен 760 млн долларды құрады, бұл 2019 жылғы көрсеткіштерден 32% - ға төмен. "Бұл ретте өңдеу, химия, тамақ өнеркәсібі тауарлары саудасының өсуі байқалады. Біз украиндыө тауарларды Қазақстанға жеткізу әлеуетін көріп отырмыз: кондитерлік өнімдер, медициналық бұйымдар, машина жасау, жиһаз салалары тауарлары. Біз қазақстандық өнімдерді Украинаға жеткізудің үлкен әлеуетін көріп отырмыз: азық – түлік, құрылыс материалдары, өңдеу өнеркәсібі өнімдері және басқалары", - деп атап өтті ол.

Аян Еренов Іскерлік кеңес екі ел арасындағы ынтымақтастықты тереңдетуге ықпал ететініне сенім білдірді.

Қазіргі уақытта Қазақстан аумағында украиндық капиталдың қатысуымен 1000-ға жуық компания тіркелген.