Дамушы елдердің валюта бағамдары өсуде

Қазақстан Ұлттық Банкінің деректері бойынша, сыртқы валюта нарығында 2020 жылғы 17-24 шілде аралығында елеулі өзгерістер байқалды. Дамушы нарықтар елдерінің апта ішіндегі валюта қарқыны негізінен оң үрдіске болды:

Бразилиялық реал экономика министрінің салықтық жүктемені азайтуды (салық санын қысқарту) көздейтін салық реформасының жобасын ұсынуы аясында 3% - ға (5,39-дан 5,23-ке дейін) нығайды, бұл жағдайды жаһандық инвесторлар оң қабылдады;

Мексикалық песо мамырда бөлшек сауданың 0,8% м/м өсуі туралы деректердің  шығуы аясында 1,2% - ға (22,55-тен 22,28-ге дейін) нығайды;

Индонезиялық рупия тұтыну мен экспорттың жақсаруына байланысты 2020 жылдың 2 тоқсанында экономиканы біртіндеп қалпына келтіру туралы ел Президентінің мәлімдемесі аясында 0,6%-ға (14 703-тен 14 610-ға дейін) нығайды;

Үнді рупиясы АҚШ доллары бағамының жаһандық әлсіреуі және қор нарығына шетелдік капиталдың келуі аясында  0,3% - ға (75,02-ден 74,83-ке дейін) нығайды;

Ресей рублі мұнайдың қымбаттауы және коронавирусқа қарсы вакцинаны сынаудың оң нәтижелері туралы хабарламалар аясында 0,3% - ға (71,88-ден 71,7-ге дейін) нығайды.

Оңтүстік африкалық ранд қарыз нарығына шетел капиталының келуі аясында 0,2% - ға (16,69-дан 16,66-ға дейін) нығайды;

Түрік лирасы 0,1% - ға (6,86-дан 6,85-ке дейін) нығайды. ОБ ставканы 8,25% деңгейінде өзгеріссіз қалдырды.

Түркия банктерді валюта нарықтары мен биржаларында кассалық сатып алудың орнына шетел валютасындағы міндеттемелерді жабу үшін қаржылық хеджирлеуді пайдалануға шақырады.