ХҒС астронавттары Жерге оралды

Екі астронавты бар Crew Dragon ғарыш кемесі Халықаралық ғарыш станциясынан (ХҒС) бөлініп шығып, Жерге сәтті оралды.
 
Кемеде Даглас Хёрли және Роберт Бенкен болды.
 
Crew Dragon Флориданың жағасындағы Мексика шығанағына қонды. Астронавттардан бөлек ғарыш кемесі Жерге 150 килограммға жуық әр түрлі жүк жеткізді.
 
Бұл 1975 жылдан бастап американдық пилотты ғарыш кемесінің алғаш рет суға қонуы.
 
Естеріңізге сала кетейік, SpaceX жеке компаниясының пилотты ғарыш кемесі екі астронавтпен бірге 2020 жылдың 30 мамырында ұшты. Falcon 9 зымыраны Даглас Хёрли мен Роберт Бенкенді Жер орбитасына шығарды. 19 сағаттан кейін американдық ғарыш кемесі ХҒС-қа сәтті қосылды.