АҚШ пен Қытайдың сауда мәмілесі

Сауда келіссөздеріндегі АҚШ өкілі Роберт Лайтхайзер американдық Қаржы министрі Стивен Мнучинмен және ҚХР Мемлекеттік кеңесінің вице-премьері Лю Хэмен телефон арқылы сөйлесті.

Лайтхайзердің айтуынша, екі тарап та прогресті көреді және сауда мәмілесінің сәттілігін қамтамасыз ету үшін қажетті қадамдар жасауға тырысады.

Тараптар Қытай қабылдаған қадамдарды қарастырды, олар «зияткерлік меншік құқығына ауқымды қорғауды қамтамасыз етеді, қаржылық қызметтер мен ауыл шаруашылығы сияқты салалардағы американдық компанияларға кедергілерді және транзакция шарттарына сәйкес технологияларды мәжбүрлеп беруді жояды».

Сондай-ақ, келіссөздер барысында американдық өнімдерді сатып алуды 1,5 есеге ұлғайту және келісімді іске асыру үшін қажетті іс-қимылдар талқыланды.
 
Еске салайық, тамыздың ортасында АҚШ пен Қытай арасында сауда келіссөздері болуы керек еді. Алайда, олар екі жақтың позицияларының дайын болмауына байланысты кейінге қалдырылды.

Сауда мәмілесінің шарттары бойынша Қытай 2020 жылы американдық өнімді сатып алуды 200 миллиард АҚШ долларына дейін арттыруы тиіс. АҚШ пен Қытай билігінің жоспары бойынша сауда соғысындағы толық бітімге жағдай жасау керек болған сауда келісімінің «бірінші кезеңі» қаңтар айында жасалды. Тараптар «екінші кезеңге» көшуді жоспарлады, бірақ коронавирустық пандемия мен мемлекетаралық қатынастардың шиеленісуіне байланысты бұл мүмкін болмады.