2021 жылы Давостағы Дүниежүзілік экономикалық форум қаңтардың аяғынан жаздың басына ауыстырылды.
«Мен сіздермен бүгін күндіз ДЭФ 2021 жылы Давостағы жыл сайынғы отырысты келесі жаздың басына ауыстыру туралы шешім қабылдағаны туралы жаңалықпен бөліскім келеді», - деді ДЭФ басқарушы директоры Эдриан Монк.
Форумның жыл сайынғы жаңа кездесуін өткізу күні кейінірек жарияланады.
Айта кетейік, 2020 жылғы Дүниежүзілік экономикалық форум (қаңтарда өткен) 50-ші болды және 117 елден 3000-ға жуық қатысушылардың, оның ішінде 53 мемлекет пен үкімет басшыларының басын қосты. Сондай-ақ, ДЭФ-қа әлемнің 36 елінің миллиардерлері келді.
Анықтама: Дүниежүзілік экономикалық форум (ДЭФ) — Давостағы жыл сайынғы кездесулер ұйымымен танымал болған швейцариялық үкіметтік емес ұйым. Кездесуге жетекші бизнес басшылары, саяси көшбасшылар, көрнекті ойшылдар мен журналистер шақырылады. Талқылау тақырыбы денсаулық сақтау және қоршаған ортаны қорғауды қоса алғанда, аса өткір әлемдік мәселелер болып табылады.
