АҚШ Сауда палатасы:

АҚШ Сауда палатасы қазақстандық-американдық іскерлік кеңесінің (USKZBC) іске қосылғанын ресми түрде жариялады.

Екі ел арасындағы дипломатиялық қатынастардың орнағанына 30 жыл толуы қарсаңында ұйым екіжақты сауда-экономикалық ынтымақтастықты дамытуға белсенді қатысуға ниетті-деп атап өтілген АҚШ Сауда Палатасының аға вице - президенті Майрон Бриллианттың хабарламасында.

Кеңес төрағасының функцияларын Қазақстан экономикасындағы ірі инвестор болып табылатын Chevron компаниясы өзіне алады.

«Қазақстандық-американдық бизнес-қауымдастығының АҚШ Сауда палатасының құрамына кіруі бизнес-қоғамдастыққа осы маңызды және стратегиялық қарым - қатынастарды дамыту үшін қажетті құралдарды ұсынады»,-деп атап өтті Chevron-ның Еуразия-Тынық мұхит өңірі бойынша Президенті Найджел Хирн.

Қазақстанның АҚШ-тағы Елшісі Ержан Қазыхановтың айтуынша, Қазақстан Құрама Штаттардың сенімді серіктесі болып қала береді және америкалық компаниялармен өзара тиімді ынтымақтастықты одан әрі жалғастырады.

«Біз АҚШ Сауда палатасында Қазақстандық-американдық іскерлік кеңесінің ашылуын Қазақстан мен АҚШ арасындағы сауда-экономикалық әріптестікті кеңейтуге қуатты серпін беретін және екі елде де жаңа жұмыс орындары мен мүмкіндіктер құруға ықпал ететін тарихи оқиға ретінде қарастырамыз», - делінген ҚР СІМ хабарламасында.

АҚШ Сауда палатасы әлемдегі ең ірі бизнес ұйым болып табылады, ол шамамен 3,5 миллион американдық компанияны, 3 мың өңірлік палатаны біріктіреді және мүдделерін білдіреді және шетелде 90-нан астам өкілдігі бар.

Қазақстан мен АҚШ арасындағы тауар айналымы жылына 2 млрд АҚШ долларын құрайтынын айта кетейік. Қазіргі уақытта Қазақстанда 700-ден астам американдық компания жұмыс істейді.