Ғылыми әзірлемелерді коммерцияландыру

2021 жылғы 29-30 қаңтарда «Ғылыми әзірлемелерді коммерцияландыру және ҚХА мен қауымдастық кафедраларының гранттық ғылыми-қолданбалы жобаларды іске асыруға қатысуы»тақырыбында республикалық ғылыми-әдістемелік онлайн-конференция өтті. Ұйымдастырушылар, «Шаңырақ» Қазақстан халқы Ассамблеясы кафедраларының қауымдастығы» РҚБ және «Торайғыров университеті» КЕАҚ, сондай-ақ іс-шараға қатысушылар заманауи ғылым мен халықаралық ынтымақтастық үрдістерін талқылады.

Онлайн-конференцияның жұмысына шамамен 78 қатысушы қосылды, олардың ішінде - Қазақстан халқы Ассамблеясы кафедраларының, республиканың жоғары оқу орындарының меңгерушілері мен қызметкерлері, ғылыми-сарапшылық кеңестің, ҚХА Ғылыми-сарапшылық топтарының мүшелері, шақырылған шетелдік сарапшылар мен республиканың зерттеу институттары мен орталықтарының басшылары, сондай-ақ жас ғалымдар.

«Экономикалық зерттеулер институты» АҚ Әлемдік экономиканы зерттеу орталығының директоры Д.Б. Төлебекованың ҚР-ның ЭЫДҰ-дағы ынтымақтастығы, оның ішінде ҚР аумағында Ұлттық байланыс орталығы (ҰБО) сияқты тетікті құру және оның жұмыс істеу тәжірибесі туралы баяндамасы конференцияға қатысушылардың үлкен қызығушылығын тудырды.

Д.Б. Тюлебекова өз сөзінде ЭЫДҰ баяндамалары мен жүргізетін зерттеулерінің академиялық әлеуетін ғана емес, сонымен қатар Қазақстан Республикасы мен ЭЫДҰ ынтымақтастығының практикалық құрамдасын да атап өтті.  Сонымен қатар, баяндаманың басым бөлігі көпұлтты компанияларға арналған ЭЫДҰ Басқарушы қағидаттарында бекітілген ҚР-дағы ҰБО институтының қызметін таныстыру мен түсіндіруге бағытталды.

Бүгінгі күні ҰБО ЭЫДҰ Басқарушы қағидаттарының ережелерін бұзу туралы қаралатын өтініштер бойынша шешім қабылдайтын алқалы кеңесші орган бола отырып, ЭЫДҰ-ның бизнесті жауапты жүргізудің озық практикасын ілгерілету жөніндегі тетігі болып табылады.

Конференция қорытындысы бойынша қатысушылар ғылыми топтарды ҚР халықаралық ынтымақтастығы, оның ішінде ЭЫДҰ-мен, сондай-ақ ҰБО институтын танымал ету мәселелерін талқылауға тарту мүмкіндігін қарау туралы шешім қабылдады.